АСТАНА, 21 тамыз – Sputnik. "Тойота Камри" көлігін мінген мас полицей Ақсуда тұрақта тұрған көліктерге соғылған, зардап шеккендер жоқ, деп хабарлады Павлодар облысы ІІД баспасөз қызметі дүйсенбі күні.
21 Тамыз 2017, 12:06
"Полиция капитаны Айтқазин Мақсат еңбек демалысында жүріп, мас күйінде "Тойота Камри" рөліне мініп, автотұрақта тұрған көліктерді соққан. Ешкім зардап шеккен жоқ", — делінген хабарламада.
Аталған дерек бойынша қызметтік тексеру жүргізілуде. Полицейді жұмыстан шығару мәселесі қаралып жатыр.
Сонымен бірге, ІІД мәлімдеуінше, тікелей басшылар да тәртіптік жауапкершілікке тартылатын болады.
