АСТАНА, 21 тамыз – Sputnik. Ақмола облысында салынып жатқөан жолда жүк көлігі жеңіл көлікпен соқтығысып, екі адам қаза тапты, деп хабарлайды өңірдің ішкі істер департаменті баспасөз қызметі Sputnik Қазақстан агенттігіне.
Жол апаты жексенбі күні Ерейментау ауданында Торғай ауылына жақын жерде Астана – Ерейментау – Шідерті жолында болған.
Shaanxi (Шанси) жүк көлігінің жиырма екі жастағы жүргізушісі басты жолы кесіп бара жатып, ВАЗ-2114 көлігіне жол бермей, соқтығысқан. Жол апаты салдарынан 28 жастағы жеңіл көлік жүргізушісі мен оның 22 жастағы жолаушысы оқиға орнында қаза тапты.
Көз жұмғандардың денесі мәйітханаға жөнелтілді. Қылмыстық іс қозғалған.
