АСТАНА, 17 тамыз – Sputnik. Орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкин (37-0, 33 КО) мен мексикалық Сауль "Канело" Альварес (49-1-1, 34 КО) жекпе-жек алдынды допинг тексерістен өтті, деп жазады vesti.kz.
Бүкіләлемдік бокс ұйымының (WBC) президенті Маурисио Сулейманның айтуынша, екі боксшының қанынан да рұқсат етілмеген дәрумен табылмаған.
"WBC VADA-дан Геннадий Головкин, Сауль Альварес, Роман Гонсалес және Брайан Вилориилердің алдын-ала нәтижесін алды. Оның қорытындысы бойынша боксшылардың қанынан рұқсат етілмеген дәрумен табылмаған", — деп жазған Сулейман өзінің твиттер парақшасында.
Еске салайық, екі боксшы арасындағы жекпе-жек 16 қыркүйек күні Лас-Вегастағы (АҚШ, Невада) T-Mobile Arena аренасында өтеді. Сауль Канело Альвареске қарсы жекпе-жекте Геннадий Головкин орта салмақта WBC, WBA (Super), IBF және IBO чемпиондық атақтарын қорғайды.
