АСТАНА, 14 тамыз – Sputnik. Шығыс Қазақстан облысында Глубокое ауданындағы ауылда үш айлық бала арбада жатып, тұншығып өлді, деп хабарлайды YK-news.kz жергілікті басылымы.
"Қайғылы оқиға 12 тамызда Глубокое ауылында болған. Бастапқы мәлімет бойынша, анасының көңілі бөлініп кеткенде, үш айлық сәби арбада жатып, аунап, етпетінен жатады да, салдарынан тұншығып өледі. Сәбидің денесінде ешқандай зақым белгілері табылмаған", — деп жазады басылым.
Аталмыш оқиға бойынша қылмыстық іс қозғалған. Анасының кінәсі дәлелденсе, бес жылға дейін бостандығы шектеліп немесе түрмеге қамалуы мүмкін.
