АСТАНА, 3 тамыз – Sputnik. Атырауда бесінші қабаттан құлаған, бір жасқа толмаған қыз үш күннен бері облыстық балалар ауруханасының жансақтау бөлімінде жатыр.
Сейсенбі 1 тамызда, сәби "Привокзальный" шағын ауданындағы көппәтерлі үйдің бесінші қабатынан құлап кеткен.
Облыстық ішкі істер департаментінің ақпаратына сүйенсек, сәби өткен жылы туған, Исатай ауданы Аққыстау ауылында отбасымен бірге тұрады. Облыс орталығында кішкентай қыз туыстарының үйінде болған.
Дәрігерлер сәбидің жағдайы туралы әлі ештеңе айтқан жоқ.
