АСТАНА, 11 тамыз — Sputnik. Алматыға жақын маңда болған жол апатында бір адам қаза тауып, екі адам әртүрлі жарақат алды.
Ресми дерекке сүйенсек, жол апаты 10 тамызда күндіз "Казцик-Комсомол" жолында болған. Toyota Sienna жүргізушісі рөлге ие бола алмай, жолдағы ағашқа соғылады. Ол жол апаты орнында көз жұмған. Көлікте болған екі әйел аудандық ауруханаға жатқызылды.
Аталмыш дерек бойынша қылмыстық тергеу жүргізілуде.
