Астанада отбасы жол апатына түсті

АСТАНА, 11 тамыз — Sputnik. Астанада Мәңгілік ел көшесінде отбасы жол апатына ұшырады. 20 жастағы жеңіл автокөлік жүргізушісінің айтуынша, бағдаршамның жасыл түсіне келе жатқан кезде кенеттен шыға келген джип соғылған. 

"Өз жолымда жасыл түске келе жатқанмын. Кенеттен көлік шыға келді. Жүргізуші осы жерде жүр, біреуге хабарласып жатыр. Жайбарақат келе жатқанбыз, барлығы қас қағым сәтте болды", — деді Sputnik Қазақстан тілшісіне Азамат. 

Азаматтың көлігінде әкесі, тәтесі және жеті жасар інісі болған. Әйел бүйрек тұсының ауырғанына шағымданса, баланың аяғы ауырып қалған. 

Оқиға орнына жедел жәрдем көлігі келді. 

Ал жол апатына себеп болған джип көлігінің жас жүргізушісі түсініктеме беруден бас тартты.