АСТАНА, 10 тамыз — Sputnik. Төтенше жағдайлар жөніндегі басқарма қызметкерлері мен өрт сөндірушілер Алматы түбіндегі әуе апаты орнына аттанды, деп хабарлады Алматы облысы Төтенше жағдайлар жөніндегі департамент баспасөз қызметі Sputnik Қазақстан агенттігіне.
"Ұшақтың апатқа ұшырағанын растаймыз. Қаскелең қаласының Төтенше жағдайлар жөніндегі басқармасы мен өрт сөндіру бөлімшесі", — деді Sputnik Қазақстан агенттігіне сұхбат беруші.
Бастапқы мәліметтерге сүйенсек, бүгін 09.53-те оқу-жаттығу тапсырмасын орындау барысында "Технам 2002" ұшағы Азем аэродромынан 2 шақырымдай жерге құлады. Екі адам қаза тапты – инструктор-ұшқыш пен курсант. Ұшақ Азаматтық авиация академиясына тиесілі. Азем аэродромы Алматыдан 43 километр жерде орналасқан.
