АСТАНА, 1 тамыз — Sputnik. Алматыда дүкенде өрт шығып, екі адам зардап шекті. Олардың бірінің беті, аяқ-қолы күйіп қалған.
Науқастар №4 қалалық ауруханаға жеткізілген.
Аурухананың қабылдау бөлімінде науқастарға медициналық жәрдем көрсетілді. Біреуі ауруханаға жатқызылған жоқ", — деп хабарлады Алматы денсаулық сақтау басқармасының баспасөз қызметі.
Дәрігерлер зардап шегушіні қарап, нұсқаулар берді. Қазір ол амбулаториялық ем алу үшін, мекенжайы бойынша емханаға қаралатын болды.
Өрттен зардап шеккен екінші адам №4 қалалық ауруханаға жеткізіліп, беті мен қол-аяғы күйіп қалғаны анықталған.
"Зардап шегуші емхананың жылу жарақаты бөліміне жатқызылды", — деп түсіндірді ведомство баспасөз қызметі.
Сейсенбі күні Алматыда Шәріпов көшесі бойындағы дүкен шатыры өртенді. Бастапқы мәлімет бойынша, дүкенде газ баллон жарылып кеткен болуы мүмкін.
