АСТАНА, 27 шілде – Sputnik. Сәтпаевта қызды зорлаған педофилді соққыға жығып, ұсталған полиция сержанты кепілмен босап шықты, деп хабарлайды Қарағанды облысы прокуратурасының баспасөз қызметі.
Полиция қызметкерінің баланы зорлады деген күдікпен ұсталған адамды ұрып-соғуы бойынша сотқа дейінгі тергеу 24 шілдеде басталды. Полицей іс-әрекеті үшін ұсталып, Жезқазғандағы уақытша ұстау изоляторына қамалған.
"Қазіргі уақытта полиция сержанты туған-туыстарының өтінішімен уақытша ұстау изоляторынан босатылды. Сәтпаев қаласы прокуратурасы арнайы прокурордың кепіл қолдану туралы қаулысын қабылдады", — делінген хабарламада.
Баспасөз қызметі атап өткендей, сотқа дейінгі тергеу ісі әлі жалғасуда.
