Алматыда Mercedes жүргізушісінің кесірінен ірі жол апаты болды

АСТАНА, 27 шілде – Sputnik. Алматыда Рысқұлов көшесі бойында Құлжа жолына жетпей ірі жол апаты орын алды, деп хабарлады құқық қорғау органдары Sputnik Қазақстан агенттігіне.

Оқиға куәгерлерінің айтуынша, Mercedes жүргізушісі Рысқұлов көшесі бойымен шығыс бағытта келе жатады да, неге екені белгісіз, көлікті басқара алмай, қарама-қарсы қозғалыс жолағына шығып кетеді. Ол жерде әуелі Рысқұлов көшесімен батыс бағытта келе жатқан Toyota Carina E көлігіне соғылып, кейін Hyundai Grand Starex шағын автобусын қағады да, ақыры Audi көлігімен бетпе-бет соқтығысады.

Жол апатынан  Mercedes жүргізушісі зардап шегіп, әртүрлі жарақатпен ауруханаға түсті. Алматы полициясы мән-жайды анықтап жатыр.