Алматыда мас жүргізуші бағананы құлатып, көлігін тастап қашып кетті

АСТАНА, 26 шілде – Sputnik. Алматыда мас жүргізуші бағананы құлатып, оқиға орнынан қашып кетті, деп хабарлайды дереккөз Sputnik Қазақстан агенттігіне.

Жол апаты Райымбек даңғылы бойынша №7 қалалық ауруханадан әрі қарай болған. Mercedes S көлігі Райымбек даңғылымен батыс бағытта қатты келе жатады. Ауруханадан өте бергенде, жүргізуші рөлге ие бола алмай, бордюрге шығып кетіп, шам бағанасын құлатқан.

Оқиға куәгерлерінің айтуынша, жүргізуші мен үш жолаушы мас болыпты. Олар күл-талқаны шыққан көлікті тастап, оқиға орнынан қашып кеткен. 

Полиция жол апатының мән-жайын анықтауда.