АСТАНА, 17 шілде — Sputnik. BMW жүргізушісі жас әйелді қағып өлтіріп, оқиға орнынан қашып кетпек болды, деп хабарлайды куәгерлер Sputnik Қазақстан агенттігіне.
Ажалды жол апаты Шаляпин көшесі бойында батыс бағытта Момышұлы мен Саин көшелерінің арасында болған.
"BMW көлігі Шаляпин көшесімен батыс бағытта келе жатты. Тиісті емес жерден жолды кесіп өтпек болған қызды қағып кетті. Қатты соққыдан қыз тоқтап тұрған Toyota Avensis көлігінің үстіне ұшып түсті", — деді жол апатын көзімен көрген куәгер.
Содан кейін BMW жүргізушісі жол апаты орнынан қашып бара жатып, Момышұлы көшесіне жетпей, Toyota Previa автокөлігіне соғылған.
Куәгерлердің айтуынша, жүргізуші мас болған екен.
1983 жылы туған қыз жедел жәрдем келіп үлгергенше көз жұмды.
Алматы полициясы жол апатының мән-жайын анықтауда.
