Өңірлер

Түркістанда 60 отбасы солтүстік өңірге көшуге ниетті

© Photo : ОҚО әкімдігінің сайтыТүркістанда 60 отбасы солтүстік өңірге көшуге ниетті
Түркістанда 60 отбасы солтүстік өңірге көшуге ниетті - Sputnik Қазақстан
Жазылу
Yandex newsTelegram
Мемлекет отбасыларға 35 айлық есептiк көрсеткiш көлемінде субсидия ұсынады

АСТАНА, 10 шілде – Sputnik. Еңбек нарығын дамыту бойынша қолға алынған бағдарлама аясында түркістандық 60-тан астам отбасы солтүстік өңірге қоныс аударуға ниет білдіріп отыр.

ОҚО әкімінің баспасөз қызметі хабарлағандай, жұмыс күші мол облыстардан жұмыс күші тапшы аймақтарға тұрғындарды тарту мақсатында жуырда солтүстік өңірден арнайы делегация келіп, түркістандық тұрғындармен өткізген. Нәтижесінде көшіп-қону кезіндегі жәрдемақылардың дер кезінде төленетініне және жұмыспен қамтылып, баспаналы болатынына көз жеткізген 60-тан астам отбасы қоныс аударуға ниет білдірген. 

Құрылыс - Sputnik Қазақстан
Қоғам
Депутат оңтүстіктен солтүстікке қоныстанған отбасыларды тегін баспанамен қамтуды ұсынды

Түркістан қалалық жұмыспен қамтуды үйлестіру және әлеуметтік бағдарламалар бөлімінің мәліметінше, бүгінгі таңда 27 адам, оның ішінде 10 адам медицина саласы бойынша, 5 адам білім саласы бойынша, қалғандары тракторист-механизатор, ауыл шаруашылығы саласы бойынша өтініш білдіріп отыр екен.

Қоныс аударушыларға мүмкіндік зор. Қызметтік тұрғын үй болмаған жағдайда азаматтың коммуналдық төлемдері мен басқа да шығындары өтеледі. Субсидия көлемі Екібастұз қаласына баратындарға 25 айлық  есептiк көрсеткiшпен есептелсе, Железинск ауданында  40 мың теңге көлемінде.  Арнайы келісімге сәйкес, 5 жыл бойы  бүкіл қажеттіліктер қамтамасыз етіледі.

"Осы бағдарлама аясында біз бұл отбасыларға 35 айлық есептiк көрсеткiш ставкасы бойынша субсидия ұсынамыз. Ол әр отбасы мүшесіне 79000 теңгеден деген сөз. Сондай-ақ қызметтік тұрғын орын немесе үй беріледі", —деді Екібастұз қалалық жұмыспен қамтуды үйлестіру және әлеуметтік бағдарламалар бөлімі басшысының орынбасары Д.Құрымбаева.

Айта кетейік, солтүстік аймақта дәрігерлер мен фельдшерлер тапшы. Сонымен қатар, педагогтар мен ауыл шаруашылығы мамандары — механизатор, тракторист  сынды жұмысшы мамандарға да сұраныс жоғары. 


Жаңалықтар
0