АСТАНА, 23 маусым — Sputnik. Атырауда әйел адам 14 жастағы ұлын бағындыра алмай, интернатқа өткізуге мәжбүр болды, деп хабарлайды "Мой город" басылымы.
Басылым атап өткендей, баланың ата-анасы үш жыл бұрын ажырасып кетіпті, ұлы анасының қолында қалған екен.
Жасөспірімнің мінез-құлқы өзгере бастаған: әуелі өз үйін тонап, ішімдік ішіп, сабаққа бармай қояды.
Әйел адамды ата-ана міндетін дұрыс орындамағаны үшін жазалаған да екен.
Мінезі ауыр ұлына ие бола алмаған шарасыз ана баласын девиантты мінез-құлықты жасөспірімдерге арналған интернатқа өткізуге мәжбүр.
Сот үкімі бойынша, бала бір жыл Ақтаудағы мектеп-интернатта тұрады.
