АСТАНА, 21 маусым — Sputnik. Алматыда екі автокөлік теңмаңызды қиылыста соқтығысып, біреуі бағанаға соғылып, аударылып түсті, деп хабарлады куәгерлер Sputnik Қазақстан агенттігіне.
Жол апаты Бейсембаев және Лермонтов көшелері қиылысында болған. Toyota Town Ace Бейсембаев көшесімен батыс бағытта келе жатып, Лермонтов көшесіне бұрылар кезде, теңмаңызды перпендикуляр көшеде көліктер бар-жоғын тексеру үшін аялдайды. Алайда қалың өскен ағаштардан қиылыс дұрыс көрінбепті.
Сол сәтте Лермонтов көшесімен келе жатқан Volkswagen Passat ақырын жүре бастаған Toyota көлігіне бар жылдамдықпен келіп соғылады. Куәгерлердің айтуынша, Passat Town Ace көлігін өткізуі тиіс еді, өйткені оң жақтан кедергісі болған екен.
Қатты соққыдан Toyota бағанаға соғылып, аударылып түсті. Бұдан бөлек, электр желілері үзіліп кеткен.
Жол апаты салдарынан Town Ace көлігінің жолаушылар зардап шекті: екі әйел мен бір бала. Үшеуі де ауруханаға жатқызылды.
