Алматыда автокөлік қызылға өтіп кетіп, төрт адам зардап шекті

АСТАНА, 16 маусым — Sputnik. Алматыда Төле би және Панфилов көшелерінің қиылысында жол апаты болды, төрт адам ауруханаға жатқызылды.

Sputnik Қазақстан агенттігіне куәгерлер хабарлағандай, Nissan Sunny Панфилов көшесімен солтүстік бағытта қатты жылдамдықпен келе жатады, ал Volkswagen Passat Төле би бойымен батысқа қарай.

Бағдаршамның қызыл жарығын елемеген Volkswagen бар жылдамдықпен Nissan көлігіне соғылды.

Жол апаты салдарынан төрт адам зардап шеккен. Nissan Sunny көлігінің үш жолаушысы бас сүйек-ми жарақатымен ауруханаға жатқызылды. Volkswagen Passat көлігіндегі қыз қолы сынды деген күдікпен ауруханаға жөнелтілді.

Алматы полициясы болған оқиғаның мән-жайын анықтайды.