АСТАНА, 14 маусым — Sputnik. Алматының Мустафин және Біржан көшелерінде орын алған жол апатынан төрт адам зардап шекті, деп хабарлады Sputnik Қазақстанға көзбен көрушілер.
Олардың сөзіне қарағанда, такси көлігі SsangYong Мустафин көшесімен оңтүстік бағытта қозғалып бара жатып солға бұрылмақ болған. Осы уақытта солтүстік бағытта Мустафин көшесімен Lexus RX 330 автокөлігі жүріп келе жатқан. Такси көлігі кроссоверді өткізбей, көліктер соқтығысып қалды.
SsangYong жүргізушісі есінен танып қалып, талдары бар аллеядан жүріп өтіп, Мустафин көшесіне оңтүстік бағытқа шықты. Ол жерде өтіп бара жатқан Toyota Avensis көлігімен соқтығысты.
Жол апатынан төрт адам зардап шекті — үш Lexus жолаушысы мен SsangYong жүргізушісі. Олар ауруханаға жатқызылды. Алматы полициясы оқиғаның мән-жайын анықтайтын болады.
