АСТАНА, 15 маусым — Sputnik. Қытай азаматшасы елордамыздағы кафелердің біріндегі қымбат бағаға шағымданды, деп хабарлайды Астана ішкі істер департаменті баспасөз қызметі.
"14 маусым күні 22.00-де "102" каналына Қытай азаматшасынан қоңырау келіп түскен, ол кешкі ас үшін қомақты көлемде есеп әкелген кафе қызметшісімен арада кикілжің туындағанын хабарлады. Оқиға орнына барған полицейлер мәселені шешіп берді", — деп хабарлайды ведомство.
Сонымен бірге, елордалық полицейлер адасып кеткен ағылшын туристіне қонақ үйін табуға көмектесіпті. Және жүгін таксиде қалдырып кеткен Испанияның екі азаматына да тез арада қол ұшын берген.
