АСТАНА, 15 маусым — Sputnik. Оңтүстік Қазақстанда жолаушыға лық толы автобус апатқа ұшырап, 18 адам зардап шекті. Тағы біреуі ауруханада жан тапсырды, деп хабарлайды КТК телеарнасы.
Ақпаратқа сәйкес, Шымкенттен Сайрамға жолаушылар тасымалдайтын автобус жылдамдықты асырған болуы керек, алдында келе жатқан көлік бұрыла бергенде соқтығыпты. Сол серпінмен шайқалған күйі жолдан шығып кетіп, жиекте тұрған бетон плиталарды соққан.
"Жеңіл көлік ішіндегі жүргізушіге ештеңе болмағанымен, автобус ішіндегі 18 адамның барлығы ауруханаға түсті. Өкпе-бауыры жыртылған 58 жастағы бір азамат ота кезінде көз жұмса, басы жарылып, сүйектері сынған тағы 7 адам ауруханада жатыр", — делінген хабарламада.
