АСТАНА, 29 мамыр — Sputnik."Probono" жүйесі аясында адвокаттар халықтың әлжуаз тобына тегін заңгерлік көмек көрсетеді, деп хабарлады ҚР Әділет министрі Марат Бекетаев.
"Әлемдік тәжірибе көрсетіп отырғандай, Қазақстанда адвокатура институтын дамыту үшін "Probono" жүйесін енгізу керек. Бұл жүйені енгізу үшін адвокаттарды жылына белгілі бір мөлшерде азаматтарға заңгерлік көмек көрсетуге міндеттеу керек. Бұл ретте қызметтің ақысы бюджеттен өтелмейді", — деді Бекетаев Мәжілісте өткен отырыста.
Әрі ол, министрдің айтуынша, тоқсан сайын адвокаттар алқасына осы көмек туралы есеп беруі тиіс.
"Probono" халықтың әлжуаз тобына тегін заңгерлік көмек көрсетуге қатысты. Бұл жүйе клиент заңгерді таңдаған кезде маңызды өлшемдердің бірі болып табылады. Probono" жүйесі аясындағы сапалы жұмыс заңгерге деген сенімді нығайтады және оның табыстылығының айқын белгісі болады", — деді министр.
