АСТАНА, 19 мамыр — Sputnik. Банкротқа ұшыраған Әзербайжан халықаралық банкіне салынған қазақстандықтардың жинағы мемлекеттік кепілдемемен қорғалған.
"Қазіргі уақытта тексеру жүргізіліп жатыр, анық-қанығы жарияланып, қоғам назарына ұсынылады. Қазақстанда зейнетақы жинақтарына мемлекеттік кепілдеме бар, оны ешкім алып тастаған жоқ, ол жерде тіпті инфляция да ескеріледі. Соныдықтан, зейнетақы алуы тиіс азаматтар міндетті түрде алады. Оған ешқандай күмән жоқ, ешкім алаңдамасын", — деп мәлімдеді ақпарат және коммуникациялар министрі Дәурен Абаев Хабар телеарнасындағы "Открытый диалог" жобасында.
Министрдің айтуынша, тиісті тексеру нәтижесінде мұндай инвестициялардың дұрыс-бұрыстығы анықталады.
"Тағы бір мәселе, осы ақшаны дұрыс салдық па? Бұл мәселе қазір ерекше бақылауда, тиісті тексеру жүргізіліп жатыр", — делінген хабарламада.
