АСТАНА, 17 мамыр — Sputnik. ЭКСПО-2017 халықаралық мамандандырылған көрмеге арналған бұқаралық веложарыс сенбі 20 мамыр күні Астанада өтеді.
Веложарыс сағат 9:00-де "Астана Арена" стадионында басталады, тіркелу — 8:00-де. Велосипедшілер сыйлықтардың ұтыс ойынына қатыса алады. Шара Қазақстан велосипед спорты федерациясы мен Астана қаласы әкімдігінің басшылығымен өткізілмек.
Айта кетейік, Қазақстан елордасында веломаусым ресми түрде 1 мамырда ашылған болатын.
