АСТАНА, 15 мамыр — Sputnik. Қостанай облысы Осиновка ауылында кішкентай қыз су құйылған ыдысқа құлап, тұншығып қаза тапқан.
Қайғылы оқиға жексенбі, 14 мамыр күні сағат 19:19-да болды.
"Осиновка ауылында бақшада өсімдіктерді суғару үшін толтырылған ыдысқа 2014 жылы туған қыз байқаусызда түсіп кетіп, тұншығып қаза тапқан", — деп хабарлады Төтенше жағдайлар жөніндегі комитеттің ресми өкілі Руслан Иманқұлов Sputnik Қазақстан агенттігіне.
Бұдан бұрын Жамбыл облысында екі баланың көз жұмғаны хабарланған болатын. Үш жасар балалар ойнап жүріп, Көгершін өзеніне құлап, батып кеткен.
