АСТАНА, 1 мамыр — Sputnik. Испандық футзал клубы "Интер Мовистар" жексенбі күні Алматыда төртінші рет УЕФА кубогін жеңіп алды.
Жарыстың төрттік финалы Алматыда 28-30 сәуір аралығында өткен болатын. Жұма күні жартылай финалда "Интер" алматылық "Қайрат" командасын 3:2 есебімен ұтты. Сөйтіп, жексенбі күні финалда лиссабондық "Спортинг"командасымен кездесті.
Ақтық ойын 7:0 есебімен "Интердің" пайдасына шешілді. Сонымен, "Интер" клубы УЕФА кубогін төрт рет иеленген жалғыз команда, бірақ алдыңғы үш кубокті "Бумеранг Интервью" деген атпен жеңген болатын.
