АСТАНА, 10 сәуір — Sputnik. Ертіс өзенінің суы арнасынан асып тасуының салдарынан Бесқарай ауданындағы "Семей-Долонь" тас жолын су шайып кетті деп хабарлайды Шығыс Қазақстан облысы төтенше жағдайлар жөніндегі департаменті.
Су шайған жердің тереңдігі 10-15 сантиметр, жалпақтығы — 20 метр. Оқиға орнында кезекшілік жүргізілуде.
"Жақын маңдағы елді-мекен — Бірлік ауылы бір шақырымдай жерде орналасқан. Су алып кету қаупі жоқ. Қазіргі уақытта судың тасуы тоқтатылды. Барлығы жеті көлік пен 16 адам жұмылдырылған", — делінген хабарламада.
"ОблШығысЖол" мәліметінше, бұл бағытта көліктің барлық түрлері үшін жол жабық. Семей-Бесқарағай-Долонь жолы арқылы айналып өтуге болады.
