АСТАНА, 2 сәуір — Sputnik. Жол апаты Алматы облысында болған.
Куәгерлердің айтуынша, Алматы облысындағы Белағаш ауылында Toyota Carina E автокөлігі Талғар тас жолы бойымен шығыс бағытта келе жатады. "Азия" шағын дүкенінің маңында әйел адам жолды тиісті емес жерден кесіп өтпек болған.
Мұндайды күтпеген жүргізуші бар жылдамдықпен келіп әйел адамды қағып кетті. Жедел жәрдем келіп жеткенше, әйел алған жарақатынан көз жұмды. Қаза тапқан әйелдің кім екені әлі анықталған жоқ.
