АСТАНА, 18 наурыз — Sputnik. "Ты супер!" вокалдық байқауының қатысушысы, Өскемен қаласының тумасы Владислав Лоскутов Мәскеуде Sputnik радиосының студиясында Юрий Левитанның тарихи сөздерін оқып, радио жүргізушісі кәсібінің қыр-сырын меңгерді.
Владпен бірге радиоэфирге Беларусь елінен келген Анастасия Кравченя қатысты.
Жас әншілер "Ты супер!" байқауынан алған әсерлері туралы ойларымен бөлісіп, жетістікке қалай жететіндерін айтып берді. Жанкүйерлері мен қолдаушыларына алғыс ретінде Анастасия мен Влад "Ты супер!" байқауы әнұранының бір шумағын шырқады.
