АСТАНА, 21 ақп — Sputnik. Қостанай облыстық жүйке жүйелері диспансерінің бұрынғы бас дәрігері Рашида Сандыбаеваны өлтіріп кеткен.
Қаскөйлер дәрігерді үйінде пышақтап кеткен. Облыстық ішкі істер департаментінен хабарлағандай, адам өлтіру фактісі бойынша сотқа дейінгі тергеу басталды. Тергеу ісінің құпия өтуіне байланысты полицейлер бұдан өзге ақпарат беруден бас тартып отыр.
Рашида Сандыбаева 36 жыл өмірін облыстық психиатриялық қызметіне арнаған. 2005 жылдан бастап аурухананың бас дәрігері қызметін атқарды. Бұдан бөлек, көп жылдар бойы денсаулық сақтау басқармасының штаттан тыс бас психиатры болған.
