АСТАНА, 20 ақп — Sputnik. Танымал продюсер Баян Мақсатқызы Жоғарғы сотқа бұрынғы күйеуі Бақытбек Есентаевқа шығарылған үкімді қайта қарастыру туралы өтініш берді деп хабарлады Жоғарғы сот баспасөз қызметі Sputnik Қазақстан агенттігіне.
"Қазақстан Республикасы Жоғарғы сотына сотталған Есентаев Б. Т. адвокаты мен жәбірленуші Есентаева Б. М. атынан сот актілерін кассациялық тәртіпте қайта қарау туралы өтініш түсті", — делінген сот хабарламасында.
Баспасөз қызметінің айтуынша, өтініштің бастапқы қаралу күні талап етілген қылмыстық іс сотқа түскеннен соң анықталады.
