АСТАНА, 16 ақп – Sputnik. Сирия бойынша кездесуге кешіккен қатысушылардың бәрі Астанаға жетті деп хабарлады Қазақстан сыртқы істер министрлігінің баспасөз хатшысы Әнуар Жайнақов Sputnik Қазақстан агенттігіне.
16 Ақпан 2017, 09:25
Қатысушылардың есімдерін СІМ атаудан бас тартты, бірақ РИА Новости агенттігіне белгілі болғандай, сириялық оппозиция делегациясын "Джейш әл-Ислам" тобының өкілі Мохаммед Аллуш бастап келді.
Бұдан бұрын Астанаға Ресей, Иран, Түркия, БҰҰ, Иордания және Сирия үкіметі өкілдері келген болатын.
Астанадағы Сирия бойынша келіссөздердің екінші жалпы отырысы 16 ақпанға жоспарланған.
