АСТАНА, 10 ақп — Sputnik. Шығыс Қазақстан құтқарушылары адасып кеткен 17 балықшыға үйлеріне қайтуға көмектесті, тағы да төрт адам әлі табылған жоқ. Құтқару операциялары Тарбағатай және Күршім аудандарында жүргізілді деп хабарлайды Шығыс Қазақстан облысы ТЖ жөніндегі департамент баспасөз қызметі.
Түк көрінбейтін ақ түтек боранда қалған ер-азаматтар бағдарларын жоғалтып, адасып кеткен. Жеті адам Бұқтырма су қоймасының құйылысында адасыпты.
Тарбағатай ауданында балықшыларды Зайсан көлінен іздестірген. Қатты боранның салдарынан 14 адам адасқан екен. Олармен ұялы телефон арқылы байланысып отырыпты. Құтқарушылар 10 адамды құтқарып "Қырықбай" қыстауына эвакуациялады. Қазіргі уақытта қалған төрт адам іздестірілуде.
