АСТАНА, 8 ақп — Sputnik. ҚР мемлекеттік қызмет істері және жемқорлыққа қарсы іс-қимыл агенттігі "Бәйтерек" ұлттық холдингі басқармасындағы аты шулы жемқорлық дауын еске алды.
"Негізінде көріп отырғанымыздай, бірқатар қылмыстық істерді тергегеннен соң кейбір жүйелік қауіп-қатерді де айқындай түсеміз, бұл мемлекетіміздің әртүрлі салаларындағы жемқорлық схемалардың туындауына себеп болды. Мәселен, Ұлттық қордан ұзақ уақыт бойы қаражат қымқырған қылмыстық топты әшкерелегеннен соң тура сондай жайт орын алды. "Бәйтерек" ұлттық қорын айтып отырмын. Біз қаражат жымқыруға қолайлы жағдай туғызып отырған біршама күрделі мәселелерді анықтадық. Квазимемлекеттік сектор, мемлекеттік сатып алу туралы заңдар кеңейтілмеген. Корпоративтік кодекс бойынша, бір адам кәсіпкерлердің қайсысы тендерге, қандай да бір мемлекеттік тапсырысқа қатысатыны туралы жалғыз өзі шешім қабылдай алады", — дейді Қожамжаров агенттік коллегиясының отырысында.
Оның айтуынша, бұл мәселеде қоғамдық қадағалауды күшейту қажет, өйткені жемқорлықты болдырмау үшін бар жайтты айқын түрде жариялаған жөн.
