АСТАНА, 6 ақп — Sputnik. Қазақстандық үш шаңғышы қыз – Анна Шевченко, Ольга Мандрика және Ирина Быкова дүйсенбі күні 3х5 шақырымдық командалық эстафетада күміс медалге ие болды.
5 Ақпан 2017, 14:39
Қазақстандықтар үш кезеңде де ресейлік әріптестерінің соңынан екінші болып ілесті. Үшінші орынды жеңімпаздардан 2 минутқа қалып қойған француз арулары иеленді.
Қазақстандық шаңғышы Шевченко үшін бұл медаль осы Универсиададағы төртінші жүлде. Сонымен Қазақстан құрамасы қоржынындағы 10 алтын, 4 күміс және 10 қоламен жалпы есепте екінші орында тұр. Ал, бірінші болып Универсиадада 20 алтын, 20 күміс және 12 қола иеленіп үлгерген Ресей құрамасы келе жатыр. Үшінші орын кәрістерге тиесілі: 7 алтын, 3 күміс және 3 қола медаль.
