АСТАНА, 5 ақп – Sputnik. Қазақстан аумағында құбылмалы ауа райы сақталады, кей жерлерде қар жауып, оңтүстік-батыс пен орталықта ауа райы жауын-шашынсыз болады. Кей жерлерде тұман, көктайғақ, боран болып, жел күшейеді деп хабарлайды ҚР ІІМ ТЖ жөніндегі комитеті сайтында.
Ақмола, Батыс Қазақстан, Шығыс Қазақстан облыстарында, күндіз Ақтөбе облысында кей жерлерде боран соғады, желдің екпіні 15-20 м/с. Қызылорда облысында, түнде Алматы, Солтүстік Қазақстан облыстарында кей жерлерде тұман түседі.
Жамбыл облысында кей жерлерде – тұман, көктайғақ, боран, желдің екпіні 15-20 м/с. Оңтүстік Қазақстан облысында кей жерлерде тұман, көктайғақ болады.
Маңғыстау облысында күндіз кей жерлерде желдің екпіні 15-20 м/с. Атырау облысында кей жерлерде – тұман, көктайғақ, күндіз желдің екпіні 15-20 м/с.
Қостанай облысында кей жерлерде сиоптиктер боран, тұман, желдің екпіні 15-20 м/с болады деп болжайды. Павлодар облысында кей жерлерде боран, желдің екпіні 15-20, түнде ұйытқуы 25 м/с. Қарағанды облысында кей жерлерде – тұман, желдің екпіні 15-20 м/с.
