АСТАНА, 2 ақп – Sputnik. ҚР Ұлттық қауіпсіздік комитетінің Шекара қызметі берген мәліметке сүйенсек, 1 ақпандағы ахуал бойынша, Алматыға 66 елден 2100 көрермен келіпті деп хабарлайды "КТК" телеарнасы.
Бұдан бұрын Универсиада ұйымдастырушылары Алматыдағы студенттік ойындарды шетелден келген 30 мың қонақ тамашалайды деп мәлімдеген болатын. Алайда туристтердің қалғаны Алматыға келмеуі де мүмкін, өйткені Универсиаданың аяқталуына санаулы күндер ғана қалды ғой.
28-ші Дүниежүзілік қысқы Универсиада-2017 Алматы қаласында 29 қаңтарда басталған, 2017 жылдың 8 ақпанында аяқталады. Қысқы Универсиада бағдарламасына 12 спорт түрі енген.
