АСТАНА, 26 қаң — Sputnik. Қазақстандық Ольга Рыпакова Пекиндегі Олимпиада ойындарының күміс жүлдегері атанады деп хабарлайды Халықаралық олимпиада комитеті сайты.
ХОК мәліметінше, ресейлік атлет Татьяна Лебедева допинг сынамасының қорытындысы бойынша Пекинде 2008 жылы өткен Олимпиада ойындарының күміс медалдерінен айырылып қалды. Осылайша, бұдан бұрын қола жүлдеге ие болған Қазақстан спортшысы Ольга Рыпакова енді екінші орынға көтеріледі.
Рыпакова былтырғы жылы күзде грек атлеті Хрисопия Деветцидің допинг сынамасы оң нәтиже бергендіктен қола жүлде иеленген еді.
