АСТАНА, 26 қаң — Sputnik. АҚШ президенті Дональд Трамптың пайымдауынша АҚШ аймақтағы мұнай кен орындарын бақылауға алғанда, "Ислам мемлекеті" тобы құрылмас еді деп жазады РИА Новости.
"Мұнайды бақылауға алғанымызда, ИМ болмас еді. Олар соның кірісін пайдаланып, соның ақшасының арқасында отыр", — деді Трамп АВС арнасына берген сұхбатында.
Оның үстіне, Трамп мұндай әрекет халықаралық құқықты бұзады дегендерді "сарапшы емес, ақымақтар" деп атады.
Сонымен қатар, оның ойынша, "АҚШ Иракқа кірмей-ақ қоюы керек еді және бұлай шықпағаны жөн еді".
