АСТАНА, 25 қаң — Sputnik. Қазақстандық әскери қызметкерлер 2018 жылы Түркия аумағында өтетін оқу-жаттығуларға қатысады деп хабарлады ҚР қорғаныс вице-министрі Талғат Мұхтаров.
"Түркиямен әскери және әскери-техникалық серіктестік белсенді түрде жүргізілуде деп айта аламын. Жыл сайын бізде "Алтын Үкі" атты жарыс өтеді, бұл снайперлік және барлау бөлімшелері, сонымен бірге "Қабылан жолы" да бар. Түркиядағы аухалдың салдарынан Түркия аумағындағы оқу-жаттығулар 2018 жылға шегерілді", — деді Мұхтаров сәрсенбі күні мәжілістің жалпы отырысында.
Вице-министрдің берген мәліметі бойынша, Қазақстанның түрік тарапымен бірлескен кәсіпорындары көп, мәселен оптикалық құралдар шығаратын кәсіпорын.
