АСТАНА, 17 қаң – Sputnik. Алматыдағы мыңнан астам тұрғын үйді жылумен қамтамасыз ететін газ құбыры жол апаты кезінде зақымдалды деп хабарлайды "ҚазТрансГаз Аймақ" АҚ.
Жол апаты 16 қаңтар күні кешке Қабанбай көшесінде болған. Апат салдарынан Медеу ауданында Қастеев-Яблочная-Диваев-Қарасай батыр-Қабанбай батыр-ВОАД көшелері шаршысында орналасқан тұрғын үйлердің 1127 кірісінің газбен жабдықталуы тоқтап қалды.
Жөндеу жұмыстары түн ортасына дейін жалғасқан. Жол апатына кінәлі азамат оқиға орнынан қашып кетті.
Қазіргі уақытта жылу беру қалпына келтірілген.
