АСТАНА, 30 жел — Sputnik. Жаңа жыл қарсаңында кәсіби боксшы Геннадий Головкин мен оның жанкүйерлері туралы арнайы жоба "Феномен GGG" Kazsport телеарнасында көрсетіледі.
Жыл соңында спорттық арна боксшыға ғана емес, оның жанкүйерлеріне де ерекше көңіл бөлуге шешім қабылдапты. Головкинге қарапайым жандар ғана емес саяси және спорттық әлемнің танымал "жұлдыздары" жанкүйер болып жүр.
ҚХР, АҚШ, Норвегия, Ұлыбритания және Қазақстандағы жанкүйерлер сүйікті спортшылары Геннадий Головкинге сәлем жолдап, жүрек жарды тілектерін білдіреді.
"Феномен GGG" 31 желтоқсан күні 15:45-те телеарна эфиріне шығады. Қайталау – 1 қаңтар күні 11:05-те және 23:50-де.
