АСТАНА, 28 жел — Sputnik. "Феникс" фильмінің режиссері Талғад Жәнібековті Сыбайлас жемқорлыққа қарсы іс-қимыл ұлттық бюросының Алматы қаласы бойынша департаменті ұстады. Ұсталғанның адвокаты Серік Айтбаев Sputnik Қазақстанға хабарлағандай, сәрсенбі күні оның клиентін кезекті жауап алуға шақырған.
"Бүгін сағат 12.30-да ұстады. Жемқорлыққа қарсы қызметке жауап алуға шақырған. Оған "Феникс" фильміне бөлінген бюджеттік қаражатты ұрлады деген күдік келтіріліп отыр. Ол ешқайда кетпеу бұлтарпау шарасымен жүрген — екі айдан бері күдікті. Бұл бұлтарпау шарасын енді ұстауға ауыстырып жатыр. Қылмыс орнында ұсаған секілді", — деді адвокат.
"Үш тәулік ішінде сот оны екі айға қамауға алуға санкция беруі мүмкін. Ол өз кінәсін мойындап отырған жоқ. Жаманқұлов өз кінәсін мойындады, барлығы кінәларын мойындады, ол мойындаған жоқ", дейді Айтбаев.
Сыбайлас жемқорлыққа қарсы іс-қимыл ұлттық бюросының мәліметтеріне сәйкес, "Қазақфильм" АҚ фильм түсірілімінің дайындық алды және дайындық кезеңдері үшін "Т.К.TURAN UNIVERSAL BUSINESS" ЖШС-не 79 миллион теңге қаражат аударған. Оның 69 миллион теңгесін "Т.К.TURAN UNIVERSAL BUSINESS" ЖШС құрушысы, кинокартинаның бас продюсері Жаманқұлов ұрлады деп айыпталған. Кейіннен ол кінәсін мойындап, 6 миллион теңге қайтарды. Сонымен қатар "Қазақфильм" алдындағы қарызды жабуға уәде берген.
