АСТАНА, 27 жел — Sputnik. Сенат депутаты Дариға Назарбаева келе жатқан жылда мұнай бағасының "барынша артуын" тіледі.
Сейсенбі күні сенат депутаттарының ҚР қаржы министрлігі мемлекеттік кірістер комитетінің төрағасы Ардақ Теңгебаевпен, сондай-ақ мемлекеттік қызмет істері және жемқорлыққа қарсы іс-қимыл агенттігі басшысының орынбасары Алик Ішпекбаевпен кездесуі өтті.
"Баршаңызды келе жатқан Жаңа жылмен құттықтаймын. Алдағы жыл барынша қаражатқа мол жыл болсын, мұнайдың бағасы барынша арта берсін. Салықшылар салықты көп жинап, әлеуметтік салаға қомақты бюджет бөлінсін", — деді Назарбаева кездесуге қатысушыларға.
