АСТАНА, 26 жел — Sputnik. Апатқа ұшыраған Ту-154 ұшағының сынықтары теңіз ағысымен Абхазия аумағына өтіп кетуі мүмкін деген болжам жасады РФ транспорт министрі Максим Соколов деп жазады РИА Новости.
"Кеше Абхазия президентімен, премьер-министрімен хабарластым. Ұшақтың құлаған жерінен теңіз ағысы мемлекеттік шекараға қарай бағытталады. Болжам бойынша, ұшақ сынықтарының бір бөлігі шекарадан ағып өтіп кетуі мүмкін. Сол себепті абхаз әріптестеріміз іздеу-құтқару операциясы аясында бірлесіп қимылдау үшін күш жұмылдыруға дайын", — деп хабарлады Соколов дүйсенбі күнгі жиналыста.
Ұшақтың құлау дерегі бойынша қылмыстық іс қозғалды. Соколов әуе апатын тергеу жөніндегі үкіметтік комиссияны басқарады.
