АСТАНА, 25 жел — Sputnik. Израиль премьер-министрі Биньямин Нетаньяху Украина үкімет басшысы Владимир Гройсманның келесі аптаға жоспарланған іссапарын болдырмай тастады деп хабарлайды РИА Новости Израиль жаңалықтар порталы "Уай-нетке" сілтеме жасап.
"Іссапарды болдырмауға шешім қабылдауға себеп – әдетте Израилмен достық қарым-қатынастағы Украинаның БҰҰ Қауіпсіздік Кеңесінің қоныстануға қарсы қарарын қолдауы болып табылады", — делінген басылымда, алайда ақпараттың дереккөзі көрсетілмеген.
БҰҰ Қауіпсіздік Кеңесі жұма күні қарар қабылдады, ол басып алынған палестиналық аумаққа, оның ішінде Шығыс Иерусалимге Израилдің елді-мекендер салмауын талап етеді. Израилдің бірқатар үндеуіне қарамастан, АҚШ дауыс беру кезінде қалыс қалып, нәтижесінде қарар қабылданды. Нетаньяху қарарды орындамайтынын мәлімдеген болатын.
