АСТАНА, 31 қаз — Sputnik. Изариль премьер-министрі Биньямин Нетаньяху Қазақстанға ресми іссапармен бармақшы деп хабарлайды РИА Новости агенттігі.
"Алдағы үш айда Әзербайжан, Қазақстан, Сингапур және Австралия елдеріне барып қайтпақшымын. Бұл елдердің ішінде, қателеспесек, үшеуіне Израиль премьер-министрі алғаш рет барады", — дейді баспасөз қызметі премьер-министрдің сөзін дәйекке алып.
Бұдан бұрын Израиль премьер-министрінің ресми іссапармен Қазақстанға келетінін Қазақстанның Израилдегі елшісі Дулат Қуанышев айтқан болатын. Оның айтуынша, тараптар энергетика, агротехнология және әскери техникалық ынтымақтастық салаларындағы ортақ жобаларды талқыламақшы.
