АСТАНА, 22 жел – Sputnik. Қазақстан парламенті сенатының депутаттары қарсы барлау қызметі туралы заңды екінші оқылымда қабылдады деп хабарлайды Sputnik Қазақстан тілшісі.
Ұсынылған заң қарсы барлау қызметінің құқықтық негіздерін алғаш рет заңнама деңгейінде бекітеді. Заңда қарсы барлау қызметінің мақсаттары мен қағидалары, қарсы барлау субъектілерінің құқықтары мен міндеттері көрсетілген. Қарсы барлау субъектілеріне ұлттық қауіпсіздік органдары, мемлекеттік қорғаныс қызметі және сыртқы барлау қызметі жатады.
Заң қарсы барлау қызметінің бағыт-бағдары мен негізгі басымдылықтарын анықтау жөнінде мемлекет басшысының өкілеттігін қарастырады.
Заң қарсы барлау іс-шараларын өткізу негіздері мен оның нәтижелерін қолданудағы бағыт-бағдарды анықтайды. Сонымен қатар, қарсы барлау қызметкерлерінің іс-әрекетіне шағым түсіру де қарастырылған.
