АСТАНА, 22 жел – Sputnik. Ауа райы бұзылуының салдарынан Қостанай мен Солтүстік Қазақстан облыстарында барлық жолдар жабылды деп хабарлайды ҚР ІІМ ТЖ жөніндегі Комитеті сайты.
Қостанай облысында 21 желтоқсан күні 19:00-ден бастап ауа райының қолайсыздығы (қатты аяз) салдарынан дизель жанармайымен жүретін барлық қоғамдық көліктер үшін облыстың бүкіл автожолдары жабылды.
Солтүстік Қазақстан облысында қатты аязға байланысты дизель жанармайымен жүретін автокөліктік құралдар үшін барлық бағытта қозғалыс тоқтатылды.
Синоптиктердің болжамына сәйкес, алдағы үш күнде қатты аяз болып, қар жауады, боран мен жел соғады.
