АСТАНА, 19 жел — Sputnik. Қазақстаннан соңғы бес жыл ішінде сыбайлас жемқорлық жолымен табылған 70 миллиард теңгеден астам қаражат шығарылды деп хабарлады дүйсенбі күні ҚР мемлекеттік қызмет істері және жемқорлыққа қарсы іс-қимыл агенттігі төрағасының орынбасары Алик Шпекбаев.
"Қазақстаннан соңғы бес жыл ішінде сыбайлас жемқорлық нәтижесінде 70 миллиард теңгеден астам қаражат шығарылды, 47 жемқорға халықаралық іздеу жарияланды, олардың 28-і Қазақстанға экстрадицияланды", — деді Шпекбаев "Жемқорлықты тергеу және қуғындау: халықаралық ынтымақтастық, кірістерді тәркілеу және прокурорлар еркіндігі" тақырыбындағы ЭЫДҰ жемқорлыққа қарсы желісі құқық қорғау органдарының 7-ші отырысы барысында.
Ол кейнірек тілшілерге бұл соманың 20%-ы қайтарылғаннын айтты.
"Жемқорлыққа қарсы ұлттық бюро жұмысының 2015-2016 жылдардағы нәтижесі бойынша 1800 лауазымды тұлғаның жемқорлық үшін жауапқа тартылғандығы айта аламын", — деді Шпекбаев.
Келтірілген зиянның жалпы көлемі 48 миллиард теңгеден асады, оның 32 миллиарды қайтарылды.
