АСТАНА. 12 жел – Sputnik. Сегізінші сынып оқушысының көз жұмуының нақты себебін сот-медициналық сараптама біткеннен кейін жариялайды, деп хабарлады Sputnik Қазақстанға Астана ішкі істер департаментінің баспасөз хатшысы Софья Қылышбекова.
Бұрын хабарланғандай, 2002 жылы туылған сегізінші сынып оқушысы №59 мектепте 30 қараша күні 13:00 шамасында сыныпта зорлық белгілерісіз өлі күйінде табылды.
Бала өлімінің алдын ала себебі – жүрек жеткіліксіздігі, деп ресми жарияланған. Алайда әлеуметтік желілерде қаза тапқан жеткіншектің туыстарына сілтеме жасай отырып, оны сыныптасы қатты итеріп жіберді деген хабарлама болды.
Полицияда қазіргі уақытта сот-медицина сараптама жүргізіліп жатқанын айтып, оның қорытындылары бойынша кәмелет жасқа толмаған баланың көз жұму себебі анықталатынын ғана хабарлады.
"Сот-медициналық сараптама 20-30 күнге дейін созылуы мүмкін", — деді полиция өкілі.
Тергеудің әзірге аяқталмауына байланысты ҚПК-нің 201-бабына сәйкес өзге ақпарат жариялануға жатпайды.
